A.N.P.A.
ASOCIACIÓN DE NAIS E PAIS (A.N.P.A.).
Os pais dos alumnos deste colexio están asociados e a súa finalidade e funcións están contempladas nos seus propios estatutos.
· Presidente: Antonio Ferro Rodríguez
· Vicepresidente: Elena López González
· Tesoureiro: Carlos Álvarez González
· Vicetesoureira: Margarita Ofelia Sobrado Gómez
· Secretaria: Mª José Outeiriño Boán
· Vicesecretaria: Beatriz González Méndez
· Vocais:
- Eva García Salgado - Elias Salgado Cordero
- Mª Amelia Pérez Suárez - Lidya Giselle Almonte
- Mª Amelia Pérez Suárez - Lidya Giselle Almonte
- Mª José Acuña Guzmán - Rosa Mª Vázquez Vázquez
- Javier Louzao Garrido - José Luis Osorio Calles
- Julia Pousa Nogueiras
Desde a Asociación de pais e nais do colexio queremos darlles a benvida a todas as familias que formades parte da ANPA e a todos os que integrades a comunidade educativa: pais, nais, profesores, alumnos e persoal do centro.
Todos os membros da Xunta de Goberno traballamos co obxectivo de favorecer e mellorar a educación dos nosos fillos e fillas, porque a educación é tarefa de todos nós: pais, nais e colexio. Por iso, a Asociación cumpre unha importante función dentro desta comunidade apoiando ao centro naquilo que nos solicita, exercendo de ponte entra as familias da Asociación e o centro e co fin de conseguir un colexio mellor para os nosos fillos e fillas.
Para acadar estes obxectivos é polo que, coa vosa colaboración, pretendemos canalizar as vosas suxestións e contribuír a detectar posibles problemas ou debilidades dos servizos ofrecidos por empresas externas, supervisar a calidade das actividades extra escolares, etc..
Así mesmo, entre as nosas tarefas, destacamos a nosa colaboración co centro na organización das celebracións que teñen lugar ao longo do curso académico, co noso traballo e axuda económica:
- Xogos Florais, a Asociación contribúe todos os anos na organización dos Xogos Florais financiando a decoración, flores e premios (placas conmemorativas).
- Entrega de insignias, a Asociación contribúe todos os anos na organización do acto de entrega de insignias aos alumnos que finalizan o bacharelato no colexio, participando no acto e organizando o ágape de confraternización que se celebra ao finalizar aquel.
- Xornadas temáticas do mes de febreiro, a Asociación contribúe bianualmente na organización destas xornadas coa decoración floral e a organización dos aperitivos para os participantes e relatores.
- Actividades extraescolares, a Asociación contribúe, todos os anos, ao financiamento destas actividades cunha cantidade económica que sufraga en parte os gastos destas.
- Revista Lúa: colaboramos na edición da revista coa nosa achega económica.
- Colaboramos con todas aquelas actividades que o Equipo de Dinamización Lingüística realiza dentro e fóra do centro.
- Apoiamos a actividade teatral do colexio.
Por outro lado, tamén organizamos actividades propias, entre as que destacan a visita dos Reis Magos ao centro, con agasallos para todos os alumnos. E a Merenda de convivencia nas Festas do colexio, organizada e cofinanciada pola Asociación, xuntamente coa recadación das entradas que se poñen á venda. Tamén estamos representados no Consello Escolar (Órgano de Goberno con representación de profesores, pais, alumnos e titularidade do centro). Os nosos estatutos poden ser consultados na páxina web da asociación www.anpafranciscanasourense.com, onde sempre encontraredes información actualizada da Asociación e todas as súa actividades. Agradecemos calquera suxestión ou comentario que poidades facernos chegar en calquera momento, ben escribindo ao noso correo electrónico ou ben deixando a carta na caixa de correos que temos xunto á Secretaría. Todos os membros desta Xunta Directiva estaremos encantados de informarvos consonte calquera aspecto relacionado coa nosa Asociación.
A Asemblea Xeral Ordinaria da Asociación terá lugar en outubro.
 |
 |
 |
 |
 |
 |
|
|
